Encara de discriminacion pels omosexuals de l’estat francés quand se tracta de donar de sang. E mai s’a l’ora d’ara lor es enebit de far aquela accion solidària, a partir de la prima de 2016 o poiràn far se complisson cèrtas condicions: “Dins un primièr temps, lo don serà dobèrt als [òmes] omosexuals qu’ajan pas agut de relacions sexualas amb un autre òme dempuèi dotze meses. Los omosexuals poiràn donar lor plasma se son dins una relacion establa dempuèi quatre meses o s’eles an pas agut de relacions sexualas dins lo meteis periòde”, çò a dich la ministra francesa dels afars socials e de la santat, Marisol Touraine, a Le Monde, dins una entrevista. Pasmens, aquò es “la fin d’un tabó e d’una discriminacion”, çò a apondut.
 
“Ara caldrà rescriure los questionaris d’emplir per las donacions de sang”, çò a dich Touraine, que tanben precisa que i a de condicions “per los eterosexuals qu’ajan de practicas de risc, per exemple amb de prostitutas”. La ministra e mai a afirmat que “las primièras donacions [dels omosexuals] permetràn de realizar d’estudis, se i a pas de risques”.